Жолдас пен Санатәлі Сауд Арабиясында екінші айналымға шығады
Санатали Тольтаев. Фото: olympic.kz
Қазақстандық кәсіпқой боксшылар Жолдас Жеңісов (9-0, 4 KO) пен Санатәлі Төлтаев (3-0, 2 KO) WBC және Турки Әл аш-Шейх ұйымдастырып жатқан Гран-при турнирінің екінші кезеңінде жұдырықтасады. Жекпе-жектер 20–21 маусым күндері Сауд Арабиясында өтеді.
Полулегкий салмақта өнер көрсететін Жолдас Жеңісов бұл жолы АҚШ спортшысы Трой Нэшпен (4-0, 1 KO) кездеседі. Айта кетейік, Нэш бірінші айналымда Александр Ковригинді төрешілер шешімімен жеңген болатын. Жеңісов болса 17 сәуір күні испандық Эль Язид Эззайданиді (6-1, 4 KO) нокаутқа жіберген.
Ал бірінші жартылай орта салмақтағы Санатәлі Төлтаев филиппиндік Джеральд Интомен (12-0, 9 KO) күш сынасады. Бұған дейін Төлтаев венесуэлалық Герман Брочероны (10-1, 10 KO) мерзімінен бұрын жеңіп, жарқын жеңіске жеткен еді.
Айбар Рысдаулет
«Атырау» Георгий Жуковты қатарға қосуды жоспарлап отыр
АПЛ маусымының үздігі анықталды