Жанкүйерлер Канелодан Головкинмен қарымта жекпе-жекті талап етті
Сауль «Канело» Альварес. Фото: Getty Images
Мексикалық боксшы Сауль «Канело» Альварестің (62-2-2, 39 КО) жанкүйерлері оның келесі қарсыласын талқылап, Геннадий Головкинмен (42-2-1, 37 КО) төртінші жекпе-жекті өткізуін қалап отыр. Алайда Канело басқа шешім қабылдады.
4 мамырға қараған түні Альварес әлемнің абсолютті чемпионы атағы үшін кубалық Уильям Скуллмен (23-0, 9 КО) жұдырықтасады. Бірақ жанкүйерлер бұл жекпе-жекке көңілі толмай, оны Дэвид Бенавидес, Дмитрий Бивол немесе Головкинмен көргісі келетінін жеткізді, деп жазады bolavip.com.
Айта кетейік, Дэвид Бенавидес (30-0, 24 КО) – жартылай ауыр салмақта WBC тұжырымы бойынша әлем чемпионы. Дмитрий Бивол (24-1, 12 КО) болса Канелоны жеңген екі боксшының бірі. Ал Альварес пен Головкин үш рет рингке шыққан: алғашқысында тең түсті, қалған екеуінде жеңіс мексикалықтың еншісінде болды.
Айбар Рысдаулет
Абиба Абужақынова Душанбеде «Гранд Слэмнің» қола жүлдегері атанды!
УЕФА «Кайраттың» Чемпиондар лигасындағы жолын ерекше атап өтті