Жәнібек Әлімханұлы: «Маған үшінші белдік керек – Адамеспен ғана жекпе-жекке шығамын!»
Жанибек Алимханулы. Фото: janibek_alimkhanuly/Instagram
Орта салмақта WBO және IBF белбеуінің иегері Жәнібек Әлімханұлы келесі қарсыласын таңдады. Отандасымыз WBC чемпионы Карлос Адамеспен жұдырықтасқысы келеді. Бұл туралы ол әлеуметтік желіде жазды.
«Қазір маған тек үшінші белдік қана маңызды! Басқа ешқандай қарсылас қызықтырмайды. Мен менеджеріме айттым – мен тек Адамеспен ғана айқасқым келеді. Енді кезек сенде, Карлос. Командаңмен ақылдасып, жекпе-жекті ұйымдастырайық. Ешқандай сылтау мен созбалаң болмасын!» – деп жазды Жәнібек.
Еске сала кетейік, 5 сәуір күні Астанада өткен бокс кешінде Әлімханұлы франциялық Анауэль Нгамиссенгені бесінші раунда нокаутқа түсіріп, титулдарын сәтті қорғаған болатын. Енді ол абсолют чемпион болуды мақсат етіп отыр. Бұл үшін Жәнібекке WBC-тен бөлек, WBA белбеуі де қажет. Бұл титул қазір кубалық Эрисланди Лараның қолында.
Айбар Рысдаулет
Максим Самородовқа Ресейдің алпауыт клубтары көз тігіп отыр
Астанада Қазақстан мен Әлем жұлдыздары жолдастық матч өткізеді