Юлия Путинцева Париждегі турнирдің ширек финалына шықты
Фото: LightRocket
Қазақстандық теннисші Юлия Путинцева Парижде өтіп жатқан WTA 125 турнирінің ширек финалына жолдама алды, деп хабарлайды Pin-UpSport.kz. Ол екінші айналымда Украина өкілі Вероника Подрезді жеңді.
1/8 финалдағы матч екі сетте аяқталды — 6:4, 6:0. Қазақстанның екінші ракеткасы кездесуде сенімді ойын көрсетті. Матч 1 сағат 10 минутқа созылды.
Бірінші сет тартысты өткенімен, екінші партияда Путинцева толық басымдық танытып, қарсыласына бірде-бір гейм берген жоқ. Қазақстандық теннисші матчты сенімді түрде жеңіспен аяқтады.
Енді Юлия Путинцева турнирдің ширек финалында франциялық Диан Парри мен Хлоэ Паке арасындағы матчтың жеңімпазымен кездеседі.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
Спорттық гимнастикадан Ташкенттегі Challenge Cup кезеңі: Қазақстан құрамасының тізіміКелесі мақала:
Дзюдошы Ғалия Тынбаева Испаниядағы ірі халықаралық турнирде бақ сынайды