Виктор Теміров Германиядағы жекпе-жек алдында салмақ өлшеуден өтті
Виктор Темиров. Фото: BoxRec
Қазақстандық боксшы Виктор Теміров Германияда өтетін жекпе-жек алдында салмақ өлшеу рәсімінен сәтті өтті, деп хабарлайды Pin-UpSport.kz. Ол бүгін, 1 мамырда Гамбургте өтетін бокс кешінде рингке шығады.
Теміров жеңіліссіз өнер көрсетіп келеді және орта салмақта жұдырықтасады. Ақпан айында ол Германияда өткен алдыңғы жекпе-жегінде Доменик Арнольдты техникалық нокаутпен жеңіп, WBF нұсқасы бойынша әлем чемпионы атанған еді.
Қазақстандық боксшының қарсыласы — венесуэлалық Карлос Риверо. Жекпе-жек алдында екі спортшы да орта салмақ лимитіне сәйкес келді.
Риверо соңғы рет 28 наурызда Сербияда рингке шығып, Мильян Джорджевичтен мерзімінен бұрын жеңілген. Алдағы кездесу Темиров үшін мансабын жалғастырудағы кезекті кезең болмақ.
Айбар Рысдаулет
Шавкат Рахмонов октагонға оралу мерзімін белгіледі
ҚФФ Қазақстан құрамасының «Adidas» ұсынған жаңа формасын таныстырды