Виктор Теміров Германияда жекпе-жек өткізеді
Виктор Темиров. Фото: BoxRec
Қазақстандық боксшы Виктор Теміров келесі жекпе-жегінің күнін жариялады, деп хабарлайды Pin-UpSport.kz. Ол 1 мамыр күні Германияның Гамбург қаласында венесуэлалық Карлос Риверомен кездеседі.
Қарсыласының көрсеткіші — 32 жеңіс, 12 жеңіліс және бір тең нәтиже. Ал Теміров жеңіліссіз келе жатыр — 10 жеңіс, оның жетеуі нокаутпен аяқталған.
Боксшы жекпе-жекке дайындық туралы әлеуметтік желіде жазды. «Достар, бәріне сәлем. Қазір соңғы жаттығуымды жасап жатырмын, бүгін түнде Германияға ұшамын. Алдағы жекпе-жекке. Бұған дейін кейбір мәселелер болды, сондықтан жарияламадым. Қазір бәрі жақсы. 1 мамырда Гамбургте 11-жекпе-жегімді өткіземін», — деп жазды ол.
Бұл кездесу Теміров үшін ақпан айынан бергі алғашқы жекпе-жек болады. Сол кезде ол Доменик Арнольдты мерзімінен бұрын жеңіп, WBF нұсқасы бойынша әлем чемпионы атағын жеңіп алған еді.
Айбар Рысдаулет
Елена Рыбакина барлық жабында Чжэнді жеңген алғашқы теннисші атанды
Скотт Мунн Қазақстан футбол федерациясының Бас хатшысы лауазымына тағайындалды