Түркияда «Қайрат» қақпашысы Темірлан Анарбековке жоғары баға берілді
Фото: ФК Кайрат
Қазақстан құрамасы мен алматылық «Қайраттың» қақпашысы Темірлан Анарбеков түркиялық сарапшы Али Эмреден жоғары баға алды, деп хабарлайды Pin-UpSport.kz. Оның пікірінше, қазақстандық голкипер «Фенербахчеге» пайдалы бола алады.
Али Эмре әлеуметтік желідегі жазбасында түрік клубына қорғанысты басқара алатын, қақпадан сенімді шығатын және матч тағдырын шешуге қабілетті қақпашы қажет екенін айтты.
«Бізге командаға жеңіс әкелетін қақпашы керек — Муслера секілді. Мен үшін бірінші нұсқа — Цолакис, ал одан кейін Темірлан Анарбеков келеді», — деп жазды түркиялық маман.
Темірлан Анарбеков қазіргі уақытта «Қайраттың» негізгі қақпашысы саналады және Қазақстан құрамасына тұрақты түрде шақырту алып жүр. Биылғы маусымда ол 11 матч өткізіп, алты ойында қақпасына гол жібермеді.
