Transfermarkt Еуропаның топ-5 лигасындағы ең жоғары жалақы алатын футболшылар рейтингін жариялады
Фото: Getty Images
Transfermarkt порталы Еуропаның бес жетекші чемпионатындағы ең жоғары жалақы алатын футболшылардың жаңартылған тізімін ұсынды, деп хабарлайды Pin-UpSport.kz.
Рейтингке Англия, Испания, Германия, Италия және Франция біріншіліктерінде өнер көрсететін ойыншылар енді.
Тізімнің көшін «Манчестер Сити» шабуылшысы Эрлинг Холанд бастап тұр. Оның жылдық табысы 31,6 миллион еуроны құрайды. Екінші орында мадридтік «Реалдың» форварды Килиан Мбаппе орналасқан, оның жылдық жалақысы 31,3 миллион еуро.
Үшінші орынды бірден екі футболшы бөлісіп тұр. «Бавария» шабуылшысы Харри Кейн мен «Реалдың» вингері Винисиус Жуниор жылына 25 миллион еуро алады. Бесінші орында «Ливерпуль» форварды Мохамед Салах тұр, оның табысы 24,1 миллион еуроға тең.
Осылайша, мадридтік «Реал» алғашқы бестікке бірден екі ойыншысын енгізген жалғыз клуб болды. Рейтинг Еуропадағы жетекші футболшылардың келісімшарттық табыстарының деңгейін көрсетеді.
Айбар Рысдаулет
Павел Колмаков Олимпиада-2026 жарысын аяқтады