Торехан Сабырхан Азия ойындарының финалына жолдама алды
Қазақстандық боксшы Торехан Сабырхан Айти және Нагояда өтіп жатқан 2026 жылғы Азия ойындарының 70 келіге дейінгі салмақтағы финалына шықты. Осылайша, ол кем дегенде күміс жүлдеге кепілдік берді, деп хабарлайды Pin-UpSport.kz. Жартылай финалда Сабырхан Өзбекстан өкілі Шавкатжон Болтаевты үш раунд қорытындысы бойынша төрешілердің бірауызды шешімімен жеңді.
Турнирдің 1/8 финалында қазақстандық боксшы Катар өкілі Мохаммед Дбичиді жеңсе, ширек финалда Ирак боксшысы Али Касим Хамдан Аль-Саррайдан мерзімінен бұрын басым түсті. Осылайша, Сабырхан финалға дейінгі жолында қатарынан үш жеңіске жетті.
Финалда қазақстандық боксшы Жапония өкілі Севонрец Окадзава мен Иордания спортшысы Зейад Эашаш арасындағы жекпе-жектің жеңімпазымен кездеседі. Екі боксшы да Сабырханға жақсы таныс. 2025 жылғы әлем чемпионатының финалында ол Окадзаваны жеңіп, алтын медаль иеленген. Ал сәуір айында Азия чемпионатының 2026 жылғы шешуші жекпе-жегінде Эашаштан жеңілген еді.
70 келіге дейінгі салмақтағы финалдық жекпе-жек 2 қазанда өтеді. Айти және Нагояда өтіп жатқан XX жазғы Азия ойындары 4 қазанға дейін жалғасады.
