Теміртас Жүсіпов ел чемпионатын жеңіспен бастады
Фото: ФБК
Семей қаласында бокстан Қазақстан чемпионаты басталды. Аталмыш жарыстың алғашқы күнінде белгілі спортшы Теміртас Жүсіпов өз жекпе-жегін өткізді, деп хабарлайды Pin-UpSport.kz.
Ақмола облысының атынан сынға түсіп жатқан боксшы 50 келіге дейінгі салмақта өнер көрсетіп жатыр.
Турнирдің алғашқы кезеңінде Жүсіпов шымкенттік Біржан Нұрымбетовпен қолғап түйістірді. 37 жастағы тәжірибелі спортшы кездесуді сенімді өткізді – төрешілер бірауыздан оның пайдасына шешім шығарып, есеп 5:0 болды.
Теміртас Жүсіпов – еліміздің ең тәжірибелі және табысты былғары қолғап шеберлерінің бірі. Оның жетістіктері қатарында 2019 жылғы әлем чемпионатының алтыны, сондай-ақ Азия чемпионаттарындағы екі мәрте жеңіс бар. Өткен жылы ол 48 келі салмақ дәрежесінде Қазақстан чемпионы атанған еді.
