Садриддин Ахмедов рингке қайта оралатынын мәлімдеді
Фото из личного архива
Қазақстандық бірінші орта салмақта өнер көрсететін боксшы Садриддин Ахмедов кәсіби рингке қайта оралатын уақытын жариялады, деп хабарлайды Pin-UpSport.kz. Отандасымыз келесі жекпе-жегін ақпан айында АҚШ-та өткізуді жоспарлап отыр. Қазіргі таңда ол Америка Құрама Штаттарында дайындық жұмыстарын жүргізіп жатыр.
Садриддин Ахмедов бұл жаңалықты жеке әлеуметтік желідегі парақшасында мәлімдеді. Ол Instagram желісінде Лос-Анджелестегі жаттығу процесінен бірнеше фото жариялап, «Ақпанда көрісеміз» деген қысқа жазба қалдырды. Әзірге қарсыласының есімі, жекпе-жектің нақты күні мен өтетін орны ресми түрде жарияланған жоқ.
Бұған дейін Ахмедов қараша айында рингке қайта оралуы тиіс болған. 22 қараша күні ол Лонг-Бич қаласында мексикалық Эдгардо Веласкеске қарсы жекпе-жек өткізуі жоспарланған еді. Алайда белгісіз себептерге байланысты бұл кездесу өтпей қалды. Осыдан кейін қазақстандық боксшы дайындықты жалғастырып, келесі мүмкіндікке назар аударды.
Қазіргі таңда Садриддин Ахмедовтың соңғы ресми жекпе-жегі өткен жылдың сәуір айында өтті. Ол кезде мексикалық Элиас Эспадаспен болған кездесу тең нәтижемен аяқталған. Соған қарамастан, Ахмедов кәсіби мансабында жеңілмеген боксшы мәртебесін сақтап қалды. Оның рекорды 15 жеңіс, 1 тең ойын және 13 нокауттан тұрады. Алдағы ақпанда өтетін жекпе-жек оның мансабындағы келесі маңызды кезеңдердің бірі болмақ.
Айбар Рысдаулет
Жалғас Жұмағұлов Oktagon лигасының P4P рейтингінде үздік төрттікке енді
Бибісара Асаубаеваның блицтен әлем чемпионатындағы жеңісі үшін алған сыйақысы белгілі болды