Рыбакина Уимблдонды сенімді жеңіспен бастады
Фото: Getty Images
Әлемнің 11-ракеткасы Елена Рыбакина Лондонда өтіп жатқан Уимблдон турнирінің екінші кезеңіне өтті, деп хабарлайды Pin-UpSport.kz.
Бірінші айналымда қазақстандық теннисші Армения өкілі Элина Аванесянды 6:2, 6:1 есебімен жеңді. Кездесу бір сағатқа созылып, осы уақыт ішінде Рыбакина үш эйс жасап, бір қос қателікке жол берді және алты брейк-пойнттың бесеуін мүлтіксіз пайдаланды.
Келесі кезеңде Елена Грекиядан келген тәжірибелі теннисші Мария Саккаримен кездеседі. Бұл матч жарыстың тартысты матчтарының біріне айналуы мүмкін.
Айта кетейік, Уимблдонның жеке сында Қазақстаннан тек Рыбакина ғана қалды. Бұған дейін Александр Бублик, Александр Шевченко, Бейбіт Жукаев және Юлия Путинцева жарыстан шығып қалған болатын.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
Назым Қызайбай жартылай финалға жолдама алдыКелесі мақала:
Еурокубоктағы отандық клубтардың алғашқы ойындарының уақыты белгілі болды