Рыбакина мен Соболенко 17-рет кездеседі
Фото: Contributor
Қазақстандық теннисші Елена Рыбакина белоруссиялық Арина Соболенкоға қарсы мансабындағы 17-ші матчты өткізеді, деп хабарлайды Pin-UpSport.kz. Кезекті кездесу Майамиде өтіп жатқан WTA 1000 турнирінің жартылай финалында болады.
Екі мәрте «Үлкен дулыға» турнирлерінің жеңімпазы әрі әлемнің екінші ракеткасы Рыбакина жарыста сәтті өнер көрсетіп келеді. Ол ширек финалда америкалық Джессика Пегуланы жеңіп, турнирдің үздік төрттігіне енді.
Өз кезегінде Арина Соболенко 1/4 финалда америкалық Хейли Баптистті 6:4, 6:4 есебімен ұтып, жартылай финалға жолдама алды. Осылайша, екі теннисші тағы да бір-біріне қарсы ойнайды.
Майами турнирі 17–28 наурыз аралығында өтіп жатыр, жалпы жүлде қоры шамамен 9,4 миллион долларды құрайды. Өткен жылғы жарыстың жеңімпазы — Арина Соболенко, ол финалда Джессика Пегуланы жеңген еді.
Айбар Рысдаулет
Михаил Кравец «Барыста» жұмысын жалғастырады
Рыбакина Майами турнирінің жартылай финалында жеңілді