Қазақстан құрамасының қақпашысы «Қайсарға» ауысуы мүмкін
Фото: КФФ
Қазақстан ұлттық құрамасының және «Оқжетпес» клубының қақпашысы Қажымұқан Төлепберген жуық арада командасын өзгертуі мүмкін, деп хабарлайды Pin-UpSport.kz.
Meta-ratings мәліметінше, «Қайсар» қақпашыны командаға қосу мақсатында белсенді келіссөздер жүргізіп жатыр. Төлепберген өткен маусымдағы ҚПЛ-дың ең тұрақты және сенімді қақпашысының бірі саналады. Оның клубтық деңгейдегі ойыны ұлттық құрамадағы орнын күшейтіп, бірнеше команданың назарын аудартты. Қазіргі таңда қақпашыны қатарға қосудың негізгі үміткері ретінде Қызылорданың «Қайсары» қарастырылып отыр.
Бұған қоса, Төлепбергеннің «Қайсардың» жаңа бас бапкері Андрей Ферапонтовпен бұрын «Оқжетпесте» бірге жұмыс істегені өз әсерін беріп отыр. Бұл фактор келіссөздердің жылдам әрі нәтижелі жүруіне ықпал етуі мүмкін.
Алдағы аптада тараптар келісімшарт талаптарын талқылауды жалғастыруы ықтимал. Егер келісімге қол жеткізілсе, Төлепберген жаңа маусымда «Қайсардың» маңызды ойыншыларының бірі болмақ.
Айбар Рысдаулет
Норрис Формула-1 чемпионы атанды: Абу-Дабидегі финал маусымның тағдырын шешті
Қазақстандық боксшылар Дубайдағы әлем чемпионатының төртінші күнінде толық жеңіске жетті