Қазақстан әйелдер құрамасының Азия ойындарына қатысатын құрамы белгілі болды
Қазақстан бокс федерациясы 19 қыркүйек пен 4 қазан аралығында Жапонияның Нагоя қаласында өтетін 2026 жылғы Азия ойындарына қатысатын әйелдер құрамасын жариялады, деп хабарлайды Pin-UpSport.kz.
Ұлттық құраманың бас бапкері Елдос Сайдалин турнирге бес боксшыны таңдады. Қазақстан намысын Алуа Балқыбекова (51 келіге дейін), Назым Қызайбай (54 келіге дейін), Виктория Графеева (60 келіге дейін), Аида Әбікеева (65 келіге дейін) және Наталья Богданова (75 келіге дейін) қорғайды.
Алдағы Азия ойындарына қатысатын ерлер құрамасының тізімі әзірге жарияланған жоқ.
2023 жылы Қытайдың Ханчжоу қаласында өткен Азия ойындарында қазақстандық боксшылар екі қола медаль жеңіп алған болатын. Жүлдегерлер қатарында Карина Ибрагимова (57 келіге дейін) мен Наталья Богданова (66 келіге дейін) болды. Ал Алуа Балқыбекова мен Назым Қызайбай үшін бұл қатарынан екінші Азия ойындары болмақ. Алдыңғы додада әлем чемпиондары жүлдесіз қалған еді.
