«Қайрат» ҚПЛ-дегі үш үй матчының өзгергенін хабарлады
Алматылық «Қайрат» Қазақстан Премьер-лигасындағы алдағы үш үй матчының кестесіне өзгеріс енгізілгенін мәлімдеді, деп хабарлайды Pin-UpSport.kz.
Клубтың хабарлауынша, Алматыдағы Орталық стадионда жаппай іс-шараның өтуіне және одан кейінгі техникалық жұмыстарға байланысты арена уақытша матчтарды қабылдай алмайды. Осыған байланысты 8 тамызға жоспарланған ҚПЛ-дің 21-туры аясындағы «Жениске» қарсы ойын кейінге шегерілді. Кездесудің жаңа күні кейінірек жарияланады. «Қайрат» астаналық клубқа түсіністік танытқаны үшін алғыс білдірді.
15 тамызда өтуі тиіс 9-турдағы «Ұлытауға» қарсы матч Орталық стадионда емес, Тимур Сегізбаев атындағы «Қайрат» футбол академиясының алаңында ұйымдастырылады.
Сондай-ақ 22 тамызға белгіленген ҚПЛ-дің 23-турындағы «Ертіске» қарсы үй ойыны да кейінге қалдырылды. Клуб мұны Құрылтай сайлауының өтуімен байланыстырды. Матчтың жаңа күні қосымша хабарланады.
Еске салсақ, 11 тамызда «Қайрат» Чемпиондар лигасы іріктеу кезеңінің үшінші турында болгариялық «Левскиді» Түркістанда қабылдайды. Өзгерістер Алматыдағы Орталық стадионда америкалық рэпер Канье Уэсттің концерті өтетініне байланысты енгізілді.
