Қарағандыда «Шахтер» стадионы жаңғыртылып жатыр
Шахтер
Қарағанды қаласында ең көне спорт нысандарының бірі — «Шахтер» стадионын жаңғырту жұмыстары басталды, деп хабарлайды Pin-UpSport.kz. Жеті онжылдықтан астам уақыт бұрын салынған арена алғаш рет UEFA-ның төртінші санат талаптарына сәйкестендіру мақсатында күрделі жөндеуден өтуде.
Спорт нысанына футбол стадионынан бөлек «Жастар» спорт кешені, Геннадий Головкин атындағы дене шынықтыру-сауықтыру кешені және жасөспірімдер клубтары кіреді. «Шахтер» КМҚК директоры Нұрлан Рыстиннің айтуынша, өткен жылы футбол алаңының негізі толық жаңартылып, ауыр атлетика залы күрделі жөндеуден өткен, шатыр жөнделіп, жаттығу құралдарының бір бөлігі ауыстырылған.
Қазіргі кезеңде алаңды жылыту жүйесін іске қосу және жасанды жабын төсеу жоспарланған. Сонымен қатар киім ауыстыру бөлмелері, медициналық пункті және қосалқы бөлмелері бар жабық футбол манежі салынып жатыр. Бұдан бөлек, «Локомотив» стадионының алаңы мен «Шахтердің» трибуна астындағы бөлмелері де күрделі жөндеуден өтеді.
Басшылықтың мәліметінше, 2026 жыл спорт инфрақұрылымын белсенді жаңғырту кезеңі болмақ. Жөндеу және құрылыс жұмыстары спортшылар мен жанкүйерлер үшін қолайлы жағдай жасап, әртүрлі деңгейдегі жарыстарды өткізуге мүмкіндік береді.
Айбар Рысдаулет
WBO Жәнібек Әлімханұлын бір жылға шеттетті
UFC Асу Алмабаевтың салмағында Джошуа Ван мен Тацуро Таира арасындағы титулдық жекпе-жекті жариялады