Қамшыбек Қоңқабаев рингке қайта оралатынын мәлімдеді
Қазақстандық боксшы Қамшыбек Қоңқабаев рингке қайта оралатынын айтып, жақын күндері Черногорияда жекпе-жек өткізетінін мәлімдеді, деп хабарлайды Pin-UpSport.kz. Бұл кездесу оның үзілістен кейінгі алғашқы айқастарының бірі болмақ.
Боксшының айтуынша, бастапқы жоспар өзгерген. «Апта соңында Черногорияда рингке шығамын. Бұл күтпеген жекпе-жек, бірақ біз әрдайым дайынбыз. Мамыр айының соңындағы жекпе-жекке дейінгі тағы бір сынақ», — деді Қамшыбек Қоңқабаев.
Бұған дейін Қазақстан құрамасының бұрынғы бас бапкері Қайрат Сәтжанов оның мансабын аяқтағанын айтқан болатын. Алайда Қамшыбек Қоңқабаев бұл ақпаратты жоққа шығарып, әлі де өнер көрсететінін нақтылады.
Қамшыбек Қоңқабаев — Токио Олимпиадасының қола жүлдегері. Сондай-ақ оның қоржынында әлем чемпионаттарының екі күміс және Азия чемпионаттарының төрт жүлдесі бар.
Айбар Рысдаулет
Михаил Кукушкин Уси турнирін жеңіспен бастады
Елдос Сметов IJF рейтингінде жоғарылады