Қамшыбек Қоңқабаев кәсіби боксқа қайта оралуы мүмкін
Бокстан Қазақстан құрамасының бұрынғы капитаны Қамшыбек Қоңқабаев кәсіби рингке қайта оралуға дайындалып жүр, деп хабарлайды Pin-UpSport.kz.
Бұл ақпаратты Қазақстан кәсіби бокс федерациясының президенті Рахымжан Ерденбеков Aqyrys Seitqazy YouTube арнасына берген сұхбатында растады. Федерация басшысының айтуынша, Париж Олимпиадасынан кейін үзіліс алған тәжірибелі спортшыға қазіргі таңда бірқатар нақты әрі мазмұнды ұсыныстар түсіп жатыр.
«Әуесқой бокстан ұлттық құрамада болған спортшылардан Қамшыбек кәсіби боксты жалғастырады. Бүгінде оған қызықты ұсыныстар түсіп жатыр. Қамшыбек бауырымыз Париж Олимпиадасынан кейін үзіліс алған болатын.
Қазіргі құрамадағы боксшылар ішінен Сәкен Бибосыновтың аяқ алысы жақсы. Сәкен кәдімгідей төселіп қалды, алға баса берсін», — деді Ерденбеков.
Қамшыбек Қоңқабаев ұзақ жылдар бойы әуесқой бокста Қазақстан ұлттық құрамасының негізгі тіректерінің бірі болды. Ол халықаралық жарыстарда ел намысын қорғап, Азия және әлемдік деңгейдегі турнирлерде тұрақты түрде жүлде үшін күрескен боксшылардың қатарында болды. Олимпиадалық цикл аяқталғаннан кейін Қоңқабаев белгілі бір уақыт демалыс алып, мансабын ары қарай қалай жалғастыратынын ой елегінен өткізді. Осы кезеңде кәсіби бокстан оған деген қызығушылық бәсеңдеген жоқ, керісінше қайта жандана түсті.
Рахымжан Ерденбековтің сөзінше, Қоңқабаав әуесқой бокстан кәсіби бағытқа нақты бет бұруға дайын санаулы спортшылардың бірі саналады. Айта кету керек, ол 2020–2022 жылдар аралығында кәсіби рингте өнер көрсетіп, бұл форматта өзін сынап көрген болатын. Сол уақыттағы тәжірибе бүгінгі таңда оның мүмкіндігін кеңейтіп, жаңа келіссөздерге жол ашып отыр. Сонымен қатар федерация президенті қазіргі ұлттық құраманың өзге мүшелеріне де тоқталып, Сәкен Бибосыновтың даму қарқынын оң бағалады.
Алдағы уақытта Қамшыбек Қоңқабаавтың кәсіби бокстағы болашағы нақты айқындалуы тиіс. Қай промоутермен келісім жасалатыны және алғашқы жекпе-жек қашан өтетіні әзірге белгісіз. Дегенмен федерация тарапынан оның мансабын кәсіби арнада жалғастыруға барлық мүмкіндік қарастырылып отырғаны атап өтілді. Бұл қадам қазақстандық бокс үшін де маңызды оқиғалардың бірі болуы мүмкін.
Айбар Рысдаулет
Усман Дембеле Сауд Арабия чемпионатына ауысуы мүмкін
«Қайрат» Лондонда «Арсеналға» есе жіберіп, Чемпиондар лигасындағы өнерін аяқтады