«Қайрат» Миланда «Интерге» есе жіберді
Фото: Getty Images
Алматының «Қайраты» УЕФА Чемпиондар лигасының төртінші турындағы сырт алаңдағы ойында италиялық «Интерден» 1:2 есебімен жеңілді, деп хабарлайды Pin-UpSport.kz. Кездесу Миландағы әйгілі «Джузеппе Меацца» стадионында өтті.
Бірінші таймның соңында алаң иелері есеп ашты — Лаутаро Мартинес дәл соққысымен көзге түсті. Ал екінші таймның басында «Қайрат» таразы басын теңестірді: бұрыштан асырылған доптан кейін қорғаушы Арад әуедегі күресті жеңіп, баспен қақпаға дәл бағыттады — 1:1.
Бірақ матч соңына қарай Карлос Аугусто алыс қашықтықтан төмен соққы жасап, есепті қайта өзгертті. Қақпашы Анарбеков допқа жете алмады — 2:1. Осы нәтижемен ойын аяқталды.
Төрт турдан кейін «Қайраттың» еншісінде бір ұпай бар және команда әзірге турнир кестесінің төменгі бөлігінде тұр. Ал «Интер» төрт кездесудің бәрінде жеңіске жетіп, бар болғаны бір ғана гол жіберді — оны соққан команда дәл осы алматылықтар.
Айбар Рысдаулет
Шайбалы хоккейден Азия чемпионатына қатысатын Қазақстан әйелдер құрамасы белгілі болды
Чемпиондар лигасының төртінші турынан кейінгі көшбасшылар анықталды