«Қайрат» Чемпиондар лигасында 21 миллион еуродан астам табыс тапты
Фото: Getty Images
Алматының «Қайрат» клубы Чемпиондар лигасының негізгі кезеңіне қатысқаны үшін қомақты қаржыға ие болды, деп хабарлайды Pin-UpSport.kz. Қазақстандық команда турнирдегі өнерін жалпы кезеңде аяқтады.
Алматылық ұжым жарыстың негізгі кезеңіне жолдама алып, қорытындысында 36-орынды иеленіп, келесі кезеңге өте алмады. Турнир барысында «Қайрат» «Пафос» клубымен 0:0 есебімен тең түсіп, қалған матчтарда жеңіліс тапты.
Football Meets Data аналитикалық порталының мәліметінше, қазақстандық клуб турнирден 21,2 миллион еуро табыс тапқан. Ең көп қаржыны Англия клубтары иеленді — шамамен 611,6 миллион еуро. Екінші орында Испания (424,7 млн), ал үшінші орында Германия (360,6 млн) орналасқан.
Бұған дейін «Қайрат» Қазақстан Премьер-лигасының чемпионы атанып, жаңа маусымда да Чемпиондар лигасында өнер көрсету құқығына ие болды. Қазіргі уақытта команда ҚПЛ-2026 аясында екі матч өткізіп, екеуінде де жеңіске жетті.
Айбар Рысдаулет
Хакими Африка кубогындағы даулы финалдан кейін жүлдеден бас тартты
Ерекешева Афинадағы турнирде алтын медаль жеңіп алды