Пакьяо мен Мейвезер реваншының өтетін орны мен күні өзгеруі мүмкін
Флойд Мейвезер. Фото: USA Today
Мэнни Пакьяо мен Флойд Мейвезер-младший арасындағы реванш басқа аренада және өзге мерзімде өтуі мүмкін, деп хабарлайды Pin-UpSport.kz. Қазіргі таңда жекпе-жекті Лас-Вегасқа ауыстыру мәселесі қарастырылып жатыр.
Алғашында кездесу «Сфера» аренасында өтеді деп жоспарланған, алайда енді MGM-ге тиесілі алаңдар талқылануда. Ықтимал нұсқалар қатарында T-Mobile Arena мен MGM Grand Garden Arena бар. Бұл өзгерістер ірі бокс кештерін ұйымдастыру талаптарына байланысты қарастырылып отыр.
Сонымен қатар, жекпе-жек күні де өзгеруі мүмкін. Бұрын 19 қыркүйекке жоспарланған айқас енді тамыз айының ортасына, нақтырақ айтқанда 15 тамызға ауыстырылуы ықтимал. Кездесу ресми кәсіби жекпе-жек ретінде өтеді және нәтижесі боксшылардың рекордына енгізіледі.
Қазіргі таңда Мейвезердің көрсеткіші — 50 жеңіс, жеңіліс жоқ, ал Пакьяода 62 жеңіс, сегіз жеңіліс және үш тең нәтиже бар. Әзірге ұйымдастырушылар мен ареналар тарапынан ресми түсініктеме берілген жоқ.
Айбар Рысдаулет
Мунгия «Канело» Альвареспен реванш шарттарын атады
Салах «Фенербахчеге» ауысуы мүмкін