«Манчестер Юнайтедтің» аңыз футболшысы Чесноковтың ойынына баға берді
Фото: SNS Group
«Манчестер Юнайтед» клубының аңызы Деннис Ирвин Қазақстан құрамасының жартылай қорғаушысы және шотландиялық «Хартс» ойыншысы Ислам Чесноковтың ойыны туралы пікір білдірді, деп хабарлайды Pin-UpSport.kz. Бұрынғы футболшы қазақстандық ойыншының алаңдағы рөлі мен ерекшеліктеріне тоқталды.
Ирвиннің айтуынша, сол аяқты футболшының оң қапталда ойнауы қазіргі футболда қалыпты құбылыс саналады. Ол қазіргі бапкерлер вингерлерден тек шабуыл ұйымдастыруды емес, сонымен қатар гол соғуды да талап ететінін атап өтті.
«Сендер оның оң қапталда ойнайтынын айттыңдар — қазіргі футболда сол аяқпен оң қапталда ойнау қалыпты жағдай. Қазір бапкерлер ойыншылардан дәл осындай стиль талап етеді. Бұрын да ондай футболшылар болған, олар шабуылға қосылып, гол соға алатын. Сондықтан ол гол соға алатын ойыншыға ұқсайды. Оған тек сәттілік тілеймін», — деді Ирвин.
Еске сала кетейік, Ислам Чесноков «Хартс» клубына 6 қаңтар күні ауысты. Қазіргі таңда ол Эдинбург командасы сапында алты матч өткізді. Қазақстандық футболшы жалғыз голын 21 ақпанда Шотландия чемпионатының 28-туры аясында «Фалкирк» қақпасына соқты (1:0).
Айбар Рысдаулет
Қазақстан тректегі велоспорттан Азия чемпионатында өнер көрсетеді
Алмабаев UFC рейтингінде төмендеді