Криштиану Роналду алтыншы әлем чемпионатына қатысып, футбол тарихында жаңа рекорд орнатады
Фото: Getty Images
«Алтын доптың» бес мәрте иегері Криштиану Роналду 2026 жылғы әлем чемпионатына қатысатынын растады және тарихта алғаш рет алты мундиальға шыққан футболшы атанбақ, деп хабарлайды Pin-UpSport.kz. Турнир Канада, Мексика және АҚШ мемлекеттерінде өтеді, ал португалиялық шабуылшының қатысуы әлем футболының маңызды оқиғаларының бірі болмақ.
Роналду әлем чемпионатындағы алғашқы ойынын 2006 жылы Германияда өткізген. Одан кейінгі бес біріншілікте де ұлттық құраманың намысын қорғады: 2010 жылы Оңтүстік Африкада, 2014 жылы Бразилияда, 2018 жылы Ресейде және 2022 жылы Катарда. Осы кезеңде ол халықаралық аренада тұрақтылық пен жоғары деңгейдің символына айналып, футбол тарихында ерекше із қалдырды.
Португалия құрамасы Роналдудың жетекшілігімен бірқатар ірі жетістіктерге жетті. Команда алты әлем чемпионатына және алты Еуропа біріншілігіне жолдама алды. Сонымен қатар, Португалия 2016 жылғы Еуропа чемпионы атанып, 2019 және 2025 жылдары Ұлттар лигасын жеңіп алды. Бұл табыстар Роналдудың әлемдік футболдағы ықпалын айқындады.
2026 жылғы әлем чемпионатына іріктеу кезеңінде Португалия F тобында бірінші орын алып, 13 ұпай жинады. 16 қарашада өткен Арменияға қарсы матчта команда 9:1 есебімен жеңіске жетті. Алайда Роналду бұл ойында жасыл алаңға шыққан жоқ, себебі 14 қарашада Ирландиямен өткен кездесуде алаңнан қуылғаннан кейін бір матчқа шеттетілді. Алдағы мундиаль португалиялық шабуылшының мансабындағы маңызды белестердің бірі болмақ.
Айбар Рысдаулет
Журналист UFC 322 турнирінен кейін Рахмонов пен Пратес арасындағы жекпе-жекті ұсынды
Ағылшынның Sports Illustrated FC аккаунты Дастан Сатпаевтың Қазақстан құрамасындағы алғашқы голын атап өтті