Конор Макгрегор мен Макс Холлоуэй арасындағы жекпе-жектің ықтимал күні белгілі болды
Фото: MMA Fighting
Белгілі спорт инсайдері Ариэль Хельвани Конор Макгрегор мен Макс Холлоуэй арасындағы жекпе-жекті ұйымдастыру бойынша келіссөздердің аяқталуға жақын қалғанын мәлімдеді, деп хабарлайды Pin-UpSport.kz. Журналистің айтуынша, тараптар келісімшарттың соңғы шарттарын талқылап жатыр.
Алдын ала мәлімет бойынша, ирландиялық және америкалық файтерлер арасындағы кездесу 11 шілдеде өтуі мүмкін. Қазіргі уақытта спортшылардың өкілдері келісімнің соңғы тармақтарын нақтылап жатыр.
Конор Макгрегор соңғы рет октагонға 2021 жылдың шілдесінде шыққан болатын. Сол кезде ол америкалық Дастин Порьеге техникалық нокаутпен жеңілген еді. Осыдан кейін бұрынғы UFC чемпионы ұзақ уақыт бойы жарақатынан қалыпқа келумен айналысты.
Макс Холлоуэй соңғы жекпе-жегін биыл наурыз айында өткізді. Америкалық файтер төрешілердің бірауыз шешімімен бразилиялық Чарльз Оливейрадан жеңілді. Соған қарамастан, оның Макгрегормен ықтимал айқасы UFC-дегі жылдың ең күтілетін кездесулерінің бірі ретінде аталып жатыр.
Айбар Рысдаулет
Шахмұрат Даулетов «Генктің» жастар командасының ойыншысы атанды