Пэдди Пимблетт UFC 329 турнирінде жаңа қарсылас алды
Пэдди Пимблетт. Фото: Zuffa LLC
Британиялық UFC файтері Пэдди Пимблетт келесі жекпе-жегін 11 шілде күні UFC 329 турнирінде өткізеді, деп хабарлайды Pin-UpSport.kz. Оның қарсыласы франциялық Бенуа Сен-Дени болады.
Жекпе-жек T-Mobile Arena аренасында өтеді және кештің басты айқастарының бірі саналады. Турнирдің негізгі оқиғасы ретінде бұған дейін Конор Макгрегор мен Макс Холлоуэй арасындағы кездесу жарияланған еді.
31 жастағы Пимблетт UFC-дегі жеңіл салмақтың уақытша белдігіне үміткер болған. Қазіргі таңда оның ММА-дегі көрсеткіші — 23 жеңіс және төрт жеңіліс. Соңғы жекпе-жегінде британдық файтер Джастин Гэтжиге төрешілердің бірауыз шешімімен есе жіберген болатын.
Ал Бенуа Сен-Дени бұл айқасқа төрт жеңістен тұратын сериямен келеді. Француз спортшысы қаңтар айында Дэн Хукерді жеңген еді. Оның кәсіби мансабында 17 жеңіс, үш жеңіліс бар, сондай-ақ бір жекпе-жегі есепке алынбаған.
Айбар Рысдаулет
Фрэнсис Нганну MVP турнирінде қарсыласын нокаутқа жіберді
Сауль Альварес WBC белдігі үшін Кристиан Мбиллиммен жұдырықтасады