Гүлназ Борибаева бокстан Азия чемпионы атанды
Қазақстандық боксшы Гүлназ Борибаева Индонезияның Джакарта қаласында өтіп жатқан 23 жасқа дейінгі спортшылар арасындағы Азия чемпионатының жеңімпазы атанды, деп хабарлайды Pin-UpSport.kz.
48 келіге дейінгі салмақ дәрежесіндегі финалда қазақстандық спортшы Моңғолия өкілі Содон-Од Биндериямен қолғап түйістірді. Жекпе-жек қорытындысында Гүлназ Борибаева төрешілердің бірауызды 5:0 шешімімен жеңіске жетіп, Азия чемпионы атанды.
Бұл – Гүлназ Борибаеваның халықаралық жарыстардағы кезекті ірі жетістігі. Ол бұған дейін Азия чемпионатының қола жүлдегері атанып, 2025 жылы Ташкентте өткен U22 жастар арасындағы Азия чемпионатында алтын медаль жеңіп алған болатын.
19 және 23 жасқа дейінгі спортшылар арасындағы бокстан Азия чемпионаты Джакартада өтіп жатыр. Құрлық додасында Азияның үздік жас боксшылары әр салмақ дәрежесінде чемпиондық атақ үшін бақ сынауда.
