Зинедин Зидан Франция құрамасының бас бапкері атанады
Мадридтің «Реал» клубының бұрынғы бас бапкері Зинедин Зидан әлем чемпионаты аяқталғаннан кейін Франция құрамасын жаттықтырады, деп хабарлайды Pin-UpSport.kz.
Журналист Фабрицио Романоның мәліметінше, ӘЧ-2026 аяқталған соң Зидан ұлттық құраманың тізгінін Дидье Дешамнан қабылдап алады. Франция құрамасының қазіргі бас бапкері турнир біткеннен кейін қызметінен кететінін бұған дейін мәлімдеген болатын.
ӘЧ-2026 турнирінде Франция құрамасы жартылай финалда Испаниядан 0:2 есебімен жеңіліп, финалға шыға алмады. Енді Дешам шәкірттері үшінші орын үшін Англия мен Аргентина арасындағы екінші жартылай финалда жеңілген командамен кездеседі. Матч 19 шілдеде Қазақстан уақытымен сағат 02:00-де басталады.
Айта кетейік, Зинедин Зидан «Реалды» 2016–2018 және 2019–2021 жылдары жаттықтырды. Оның жетекшілігімен мадридтік клуб Чемпиондар лигасын қатарынан үш рет жеңіп алып, Испания чемпионы атанды, сондай-ақ УЕФА Суперкубогы мен Испания Суперкубогын екі реттен иеленді.
