Ғалымжан Кенжебектің голы «Ахматты» жеңілістен құтқарып қалды
Грозныйдың «Ахматы» Ресей Премьер-лигасының 29-туры аясында махачкалалық «Динамомен» тең ойнады, деп хабарлайды Pin-UpSport.kz. Матч 1:1 есебімен аяқталып, қазақстандық жартылай қорғаушы Ғалымжан Кенжебек командасын жеңілістен құтқарды.
Кездесудегі алғашқы гол бірінші таймда соғылды. Қонақтар сапында қорғаушы Мохамед Аззи мергендік танытып, өз командасын алға шығарды.
Екінші таймда «Ахмат» таразы басын теңестіре алды. 83-минутта Ғалымжан Кенжебек дәл соққымен есепті теңестіріп, Ресей Премьер-лиғасындағы алғашқы голын соқты. Қазақстандық футболшы ойынға 60-минутта Максим Самородовтың орнына шыққан болатын.
Осы ойыннан кейін «Ахматтың» еншісінде 36 ұпай бар және команда турнир кестесінде тоғызыншы орында тұр. Маусымның соңғы турында Станислав Черчесов шәкірттері сырт алаңда «Сочимен» кездеседі.
Айбар Рысдаулет
«Арсенал» бір маусымдағы жеңіс саны бойынша клуб рекордын жаңартты
Лас-Вегас 2027 жылғы күрес түрлерінен әлем чемпионатын қабылдайды