Гауфф Соболенконы тізе бүктіріп, «Ролан Гарросты» жеңіп алды
Коко Гауфф. Фото: Getty Images
Америкалық Коко Гауфф «Ролан Гаррос» турнирінің жеңімпазы атанды. Финалда ол әлемнің бірінші ракеткасы Арина Соболенконы 6:7, 6:2, 6:4 есебімен ұтты. Екі жарым сағаттан аса созылған матч Париж төрінде нағыз драмалық айқасқа айналды.
Мұндай деңгейдегі финал соңғы рет 2018 жылы тіркелген еді. Бұл жолы да рейтингтің алғашқы екі сатысында тұрған теннисшілер шын мықтыны анықтады. 21 жастағы Гауфф бұған дейін 2022 жылы да финалда ойнаған, бірақ сол кезде Ига Швентекке есе жіберген болатын. Ал бұл жолы бар күшін салып, екінші рет «Үлкен дулыға» турнирінде топ жарды.
Соболенко үшін бұл – «Ролан Гаррос» турниріндегі алғашқы финал. Алдыңғы жылы ғана жартылай финалға дейін жеткен ол бұл жолы шешуші матчқа шықты. Бірінші сетте басым түскенімен, кейінгі бөлімдерде көп қателікке бой алдырды. Қарсыласы есесін жібермей, матчтың тағдырын өз пайдасына шешіп кетті.
