Алькарас тағы да «Ролан Гаррос» жеңімпазы атанды
Фото: Anadolu via Getty Images
Франция ашық біріншілігінің финалында испандық Карлос Алькарас пен италиялық Янник Синнер күш сынасты. Әлемдік рейтингте екінші орында тұрған Алькарас бес сетке созылған тартысты матчта жеңіске жетті — 4:6, 6:7 (4), 6:4, 7:6 (3), 7:6 (2). Кездесу бес жарым сағатқа созылды.
Бұл қос теннисшінің 14-ші бетпе-бет кездесуі болды. Алькарас жалпы есептегі басымдығын арттырды — 9:5.
22 жастағы испандық теннисші қатарынан екінші жыл «Ролан Гаррос» турнирінде топ жарды. Қазір оның еншісінде «Үлкен дулыға» санатындағы бес чемпиондық бар. Ол тек Аустралия ашық чемпионатында жеңіске жетпеген — ондағы ең үздік нәтижесі ширек финал.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
Франция Германияны жеңіп, Ұлттар лигасының қола жүлдегері атандыКелесі мақала:
Португалия Ұлттар лигасын екінші рет жеңіп алды