Юлия Путинцева Меридадағы турнирдің алғашқы айналымында жеңілді
Фото: Getty Images
Қазақстандық теннисші Юлия Путинцева Мексиканың Мерида қаласында өтіп жатқан WTA турниріндегі жарысын бірінші айналымнан кейін аяқтады, деп хабарлайды Pin-UpSport.kz. Жарыс хард жабынында өтуде.
Алғашқы кезеңде қазақстандық спортшы Андорра өкілі Виктория Хименес-Касинцевамен кездесті. Матч 2 сағат 32 минутқа созылып, тартысты өтті. Қарсыластар сеттерде кезек-кезек басымдыққа ие болып отырды, ал жолдаманың тағдыры шешуші үшінші партияда анықталды.
Бірінші сет 6:4 есебімен Хименес-Касинцеваның пайдасына аяқталды. Екінші партияда Путинцева қарымта қайтарып, 6:1 есебімен жеңіске жетті. Алайда шешуші сетте Андорра өкілі 6:4 есебімен басым түсіп, матчты өз пайдасына аяқтады.
Меридадағы турнир 23 ақпан мен 1 наурыз аралығында өтеді. Жарыстың жүлде қоры 1,2 миллион долларды құрайды. Турнирдің қазіргі чемпионы — америкалық Эмма Наварро.
Айбар Рысдаулет
«Кайрат» пен «Семей» Чемпиондар лигасының алғашқы матчтарында жеңілді
Данияр Елеусінов 5 сәуірде Zuffa Boxing лигасында жекпе-жек өткізеді