Юлия Путинцева Индиан-Уэллстегі WTA 1000 турнирін Паула Бадосаға қарсы матчпен бастайды
Фото: НОК РК
Қазақстандық теннисші Юлия Путинцева Индиан-Уэллсте өтетін WTA 1000 санатындағы турнирдегі алғашқы қарсыласын білді, деп хабарлайды Pin-UpSport.kz. Әлемдік рейтингте 76-орында тұрған қазақстандық спортшы жарысты бірінші айналымнан бастап, испаниялық Паула Бадосамен кездеседі.
Қазіргі таңда Бадоса WTA рейтингінде 106-орында тұр, алайда 2022 жылы ол әлемнің екінші ракеткасы атанған. Сондықтан алғашқы кезеңнің өзінде Путинцева тәжірибелі әрі жоғары деңгейдегі турнирлерде ойнаған қарсыласпен жолығалы отыр.
Юлия Путинцева мен Паула Бадосаның кездесуі 4 наурызға жоспарланған. Екі теннисшінің өзара матчтарындағы есеп 4:1 есебімен Бадосаның пайдасына шешілген. Соңғы рет олар 2024 жылдың тамыз айында Цинциннати турнирінде кездесіп, испаниялық спортшы 6:4, 6:4 есебімен жеңіске жеткен еді.
Индиан-Уэллстегі WTA 1000 BNP Paribas Open турнирі 4–15 наурыз аралығында өтеді. Жарыстың жалпы жүлде қоры 9 415 725 АҚШ долларын құрайды. Бұл дода Путинцева үшін рейтингтегі орнын жақсартып, маусымның ірі турнирлерінің бірін сәтті бастауға мүмкіндік береді.
Айбар Рысдаулет
Елена Рыбакина Индиан-Уэллстегі WTA 1000 турниріндегі ықтимал қарсыластарын білді
Қазақстандық теннисшілер Индиан-Уэллстегі ATP 1000 турниріндегі қарсыластарын білді