Футзалдан УЕФА Чемпиондар лигасында қазақстандық клубтар екінші турда ұтылды
Фото: Новое Поколение
Футзалдан УЕФА Чемпиондар лигасының негізгі кезеңінің екінші туры Қазақстан өкілдері үшін сәтсіз өтті, деп хабарлайды Pin-UpSport.kz. Алматының «Қайраты» мен «Семей» командалары өз қарсыластарына жол берді, бірақ плей-офф кезеңіне шығу мүмкіндігін сақтап отыр.
Қазақстан чемпионы «Қайрат» Еуропа футзалының көшбасшыларының бірі — португалиялық «Спортингпен» кездесті. Ойынның алғашқы 10 минутында алматылықтар үш гол өткізіп алды да, тек бір рет жауап бере алды. Үзіліске дейін есеп 2:5 болды, ал екінші таймда португалиялықтар басымдығын арттырып, кездесуді 7:2 есебімен аяқтады.
Ал «Семей» француздық «Этуальға» қарсы ойынның бірінші бөлігінде 3:0 есебімен алға шыққан еді. Бірақ екінші таймда қарсылас жағдайды өзгертіп, жеңісті жұлып алды — 3:4.
Екі турдан кейін «Қайрат» пен «Семейдің» еншісінде үш ұпайдан бар, олар өз топтарында екінші орында тұр. 1 қараша күні «Қайрат» Косовоның «Приштина» клубымен кездессе, «Семей» қазіргі чемпион — испаниялық «Пальмамен» күш сынасады. Келесі кезеңге өту үшін қазақстандық командалар өз топтарында алғашқы үштікке енуі тиіс.
Айбар Рысдаулет
Александр Бублик Париждегі «Мастерс» турнирінің ширек финалына шықты
Мария Агапова «лас бокс» турнирінде дебют жасап, қарсыласына жол берді