Мария Агапова «лас бокс» турнирінде дебют жасап, қарсыласына жол берді
Мария Агапова. Фото: Zuffa LLC via Getty Images
Қазақстандық файтер Мария Агапова – UFC-де ел намысын қорғаған алғашқы спортшы — жаңа бағыттағы жекпе-жек түрін байқап көрді, деп хабарлайды Pin-UpSport.kz. Dirty Boxing Championship 4 турнирі АҚШ-тың Нэшвилл қаласында өтіп, онда Агапова америкалық Дезири Янестің қарсысына шықты.
Жекпе-жек өте тартысты өтті. Екі спортшы да жақын қашықтықтағы соққылар мен клинч элементтерін шебер қолданды. Үш раундқа созылған шайқаста төрешілердің шешімімен жеңіс Янеске берілді — Агапова 1:2 есебімен ұтылды.
UFC ұйымынан кеткеннен кейін Мария түрлі бағыттағы жекпе-жек түрлерінде бақ сынап жүр. Ол соңғы бір жыл ішінде кәсіби бокс пен жалаңаш жұдырық турнирлеріне қатысып үлгерді.
Агапованың UFC аясындағы соңғы кездесуі америкалық Джессика Айға қарсы өткен болатын. Сол жекпе-жекте төрешілер бірауыздан қарсыласының жеңісін тіркеді. Соған қарамастан, спортшы мансабын жалғастырып, халықаралық ареналарда қайта өнер көрсетуді мақсат етеді.
Айбар Рысдаулет
Футзалдан УЕФА Чемпиондар лигасында қазақстандық клубтар екінші турда ұтылды
Жәнібек Әлімханұлының келесі қарсыласы анықталды