Елена Рыбакина WTA финалындағы жеңістен кейін қазақстандық жанкүйерлеріне үндеу жолдады
Фото: France 24
Қазақстандық теннисші Елена Рыбакина Сауд Арабиясының Эр-Рияд қаласында өткен WTA маусымдық финалындағы жеңісінен кейін жанкүйерлеріне арнаған алғыс хатын жариялады, деп хабарлайды Pin-UpSport.kz. Спортшы ел атынан өнер көрсету – зор мақтаныш екенін айтып, өзіне сенім білдірген барлық жанкүйерлерге ризашылығын жеткізді.
«Қымбатты достар, менің сүйікті жанкүйерлерім! Трибунада, экран алдында және жылы лебіздеріңіз арқылы көрсеткен керемет қолдауларыңыз үшін үлкен алғыс білдіремін. Мен Қазақстанды танытқаныма және сіздерге қуаныш пен жеңіс сыйлағаныма қуанамын. Әсіресе, жастардың тенниске қызығушылығы артып келе жатқаны мені ерекше қуантады. Егер менің ойыным сіздерді арманға жетелеп, еңбектенуге және өздеріңізге сенуге шабыттандырса — бұл менің ең үлкен жеңісім», — деп жазды Рыбакина.
Ол қысқа демалыстан кейін жаңа маусымға дайындықты бастайтынын жеткізді. «Жеңістерде де, қиын күндерде де менімен бірге болғандарыңыз үшін рахмет. Сенімдеріңіз — менің тірегім. Кортта кездескенше! Алға, Қазақстан!» — деп қорытындылады Елена.
Еске салайық, Эр-Риядта өткен WTA маусымдық финалының шешуші матчында Елена Рыбакина әлемнің бірінші ракеткасы Арина Соболенконы жеңіп, 5,235 миллион доллар көлемінде рекордтық сыйақы иеленді. Бұл жеңіс Қазақстан теннисі тарихындағы ең ірі жетістік болды.
Айбар Рысдаулет
Мизанодағы алтын финал: Artline Kazakhstan Lamborghini Super Trofeo әлем чемпионы атанды
Жұман «Арлан» Жұмабеков октагонға оралады