Елена Рыбакина Мадридтегі турнирді екінші айналымнан бастайды
Елена Рыбакина. Фото: Пресс-служба ФТК
Қазақстандық теннисші Елена Рыбакина Мадридте өтетін турнирдегі өнерін екінші айналымнан бастап, Елена-Габриэла Русе мен Антония Ружич арасындағы матчтың жеңімпазымен кездеседі, деп хабарлайды Pin-UpSport.kz. Ол жоғары рейтингінің арқасында алғашқы айналымды өткізіп жібереді.
Әлемнің екінші ракеткасы жарысты бірден 1/32 финалдан бастайды. Оның алғашқы қарсыласы әлемдік рейтингте 61-орында тұрған румындық Елена-Габриэла Русе немесе 58-орындағы хорватиялық Антония Ружич болуы мүмкін.
Мадридтегі турнир 21 сәуір мен 3 мамыр аралығында өтеді. Бұл жарыс «Ролан Гаррос» алдындағы маңызды грунттық турнирлердің бірі саналады.
Рыбакина бұл турнирге Штутгарттағы жеңісінен кейін келеді. Ол бұл жарыста WTA 500 титулын жеңіп алды. Бұл оның 2026 жылғы маусымдағы екінші титулы болды, бұған дейін ол Australian Open турнирінде топ жарған.
