Елдос Сметов Олимпиададан кейін алғашқы халықаралық турниріне қатысады
Елдос Сметов
Олимпиада чемпионы Елдос Сметов Қытайдың Циндао қаласында өтетін дзюдодан Гран-при турниріне қатысады, деп хабарлайды Pin-UpSport.kz. Жарыс 26-28 маусым аралығында өтеді.
Бұл турнир қазақстандық дзюдошы үшін Париж Олимпиадасындағы жеңістен кейінгі алғашқы ресми халықаралық жарыс болмақ.
Қазіргі уақытта Елдос Сметов Испанияның Бенидорм қаласында Гусман Кыргызбаевпен бірге оқу-жаттығу жиынын өткізіп жатыр. Бұған дейін спортшы татамиге оралуы өзінің физикалық дайындығына байланысты екенін айтқан болатын.
Еске салсақ, 2024 жылғы Олимпиададан кейін қазақстандық дзюдошы мансабында үзіліс алған еді. 2026 жылдың наурыз айында ол операция жасап, жарақатынан кейін қалпына келу кезеңінен өтті.
Биыл 10 мамырда Елдос Сметов Олимпиададан кейін алғаш рет Астанада өткен Qazaqstan Barysy Grand Slam турнирінде татамиге шықты. Алайда ол кезде ұлы Омарға қарсы тек шоу-жекпе-жек өткізген болатын.
Айбар Рысдаулет
Дзюдодан Қазақстан құрамасы Моңғолиядағы Grand Slam турниріне қатысады
Анна Данилина Страсбургтегі WTA 500 турнирінің жартылай финалына шықты