Анна Данилина Страсбургтегі WTA 500 турнирінің жартылай финалына шықты
Фото: Sportburo
Қазақстанның жұптық сындағы ең үздік теннисшісі Анна Данилина Францияның Страсбург қаласында өтіп жатқан WTA 500 турнирінің жартылай финалына жолдама алды, деп хабарлайды Pin-UpSport.kz.
Ширек финалда қазақстандық теннисші ресейлік Екатерина Александровамен бірге америкалық Эйжа Мухаммад пен венгриялық Фанни Столлар жұбына қарсы ойнады.
Кездесу 1 сағат 40 минутқа созылып, қазақстандық-ресейлік дуэттің үш сеттегі жеңісімен аяқталды — 7:5, 3:6, 10:6.
Айта кетейік, бұл жұптар бұған дейін бір-бірімен кездесіп көрмеген. Сонымен қатар америкалық Эйжа Мухаммад жақында ғана Анна Данилинамен бірге жұптық сында өнер көрсеткен болатын. Мамыр айында олар Римдегі WTA 1000 турнирінің ширек финалына дейін жеткен еді.
Жартылай финалда Данилина мен Александрова бразилиялық Луиза Стефани және канадалық Габриэла Дабровски жұбымен кездеседі.
Айбар Рысдаулет
Елдос Сметов Олимпиададан кейін алғашқы халықаралық турниріне қатысады
Қазақстанның жаңа толқыны. Испания мен Бельгия клубтары бақылап жүрген қазақ таланттары