Дзюдодан Қазақстан құрамасы Моңғолиядағы Grand Slam турниріне қатысады

20 Май 2026, 15:21Күрес

Магжан Шамшадин. Фото: Olympic.kz

Дзюдодан Қазақстан құрамасы Моңғолияның Ұлан-Батыр қаласында өтетін Grand Slam турниріне қатысады, деп хабарлайды Pin-UpSport.kz. Жарыс 19-21 маусым аралығында өтеді.

Ұлттық құраманың тізіміне 20 спортшы енді. Ерлер құрамасында Аман Бахытжан мен Магжан Шамшадин (60 келіге дейін), Нұрқанат Серікбаев пен Ақылжан Жұбатканов (66 келіге дейін), Ансарбек Ғайнуллин мен Есет Қуанов (73 келіге дейін), Жалғас Қайролла мен Асқар Нарқұлов (81 келіге дейін), Айбол Нысанали мен Нұржан Бисенов (90 келіге дейін), сондай-ақ Марат Байкамуров (100 келіге дейін) бар.

Әйелдер құрамасына Галия Тынбаева мен Диана Бүркеева (48 келіге дейін), Аружан Ережепова (52 келіге дейін), Дана Әбдирова мен Дина Мұханбет (57 келіге дейін), Самалай Ерғалиева мен Дамеля Асылханова (63 келіге дейін), сондай-ақ Камила Берлікаш пен Ақерке Рамазанова (78 келіден жоғары) енді.

Бұған дейін Дзюдодан Қазақстан құрамасы Испаниядағы European Open турнирінде бір алтын медаль жеңіп алған еді. 66 келіге дейінгі салмақта Нұрмұхамет Ботабай чемпион атанды.

Тегтер:Дзюдо

Автор туралы

Айбар Рысдаулет

Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.

Барлық авторлық жазбаларды көру

Алдыңғы мақала: