Чемпиондар лигасының жалпы кезеңінен кейін Қазақстан УЕФА коэффициенттер рейтингінде 37-орынға түсті
Фото: Arsenal FC
Чемпиондар лигасының жалпы кезеңіндегі сегізінші тур матчтарынан кейін Қазақстан УЕФА коэффициенттерінің жаңартылған рейтингінде 37-орынға орналасты, деп хабарлайды Pin-UpSport.kz.
Бұл көрсеткіш 2025/26 жылғы еурокубок маусымындағы ойындардың қорытындысы бойынша анықталды. Ел клубтарының халықаралық ареналардағы нәтижелері жинақталып, Қазақстанның жалпы еуропалық футбол жүйесіндегі орны тағы бір мәрте нақтыланды. Коэффициенттер кестесіндегі позиция алдағы маусымдарда қазақстандық командалардың еурокубоктарға қатысу мүмкіндігіне тікелей әсер етеді.
УЕФА коэффициенті бес жылдық цикл негізінде есептеледі. Оның құрамына ағымдағы маусымдағы орташа нәтиже және оған дейінгі төрт маусымдағы жинақталған ұпайлар кіреді. Ағымдағы маусымдағы көрсеткіш ел атынан қатысқан клубтардың барлық ұпайын олардың санына бөлу арқылы анықталады. Мұндай әдіс бір маусымдық табысты емес, ұзақ мерзімді тұрақтылықты бағалауға мүмкіндік береді және ұлттық қауымдастықтардың еуропалық турнирлердегі нақты деңгейін көрсетеді.
УЕФА коэффициенттер кестесі (29.01.2026):
1. Англия – 110.908 (20.069);
2. Италия – 95.196 (14.250);
3. Испания – 89.328 (14.375);
4. Германия – 86.402 (15.285);
5. Франция – 77.891 (12.714);
6. Португалия – 67.366 (14.700);
7. Нидерланды – 66.429 (8.479);
8. Бельгия – 59.900 (9.050);
9. Түркия – 48.625 (7.825);
10. Чехия – 46.325 (8.825);
…..
35. Финляндия – 14.000 (3.625);
36. Косово – 13.989 (3.781);
37. Қазақстан – 13.750 (3.625);
38. Босния және Герцеговина – 13.468 (3.062);
39. Латвия – 12.875 (2.000).
Айбар Рысдаулет
Өзбекстанның этникалық қазағы енді Қазақстан намысын қорғайды
Ислам Махачевтің келесі жекпе-жегі мамыр немесе маусым айларына жоспарлануы мүмкін