Бублик Индиан-Уэллс турниріндегі жарысын аяқтады
Фото: ZUMA Press Wire
Қазақстанның бірінші ракеткасы Александр Бублик Индиан-Уэллсте өтіп жатқан «Мастерс» санатындағы турнирдің 1/8 финалына шыға алмады, деп хабарлайды Pin-UpSport.kz. Қазақстандық теннисші үшінші айналымдағы матчтан кейін жарысты аяқтады.
Турнир басталар алдында Бублик ATP рейтингінде 10-орында тұрған еді және жарыстың мықты қатысушыларының бірі ретінде қарастырылды. Рейтингтегі жоғары орнының арқасында ол турнирде сеяный теннисшілер қатарына кіріп, АҚШ-тағы беделді хард турнирінде сәтті нәтиже көрсетуге үміткерлердің бірі болды.
1/16 финалдағы кездесуде Бубликтің қарсыласы австралиялық теннисші Ринки Хидзиката болды. Ол ATP рейтингінде 117-орында тұр. Кездесуде қазақстандық теннисші фаворит саналғанымен, матч үш сетке созылып, австралиялық спортшының пайдасына аяқталды. Бірінші сетте Бублик тай-брейкте 7:6 (7:3) есебімен жеңіске жетті. Алайда кейінгі екі партияда Хидзиката басымдық танытып, 7:6 (7:3) және 6:3 есебімен жеңіске жетті. Матч 2 сағат 38 минутқа созылды.
Осы нәтижеден кейін Александр Бублик турнирдегі жарысын аяқтады, ал Ринки Хидзиката Индиан-Уэллсте өтіп жатқан жарыста келесі кезеңде өнер көрсетуді жалғастырады. Indian Wells Open-2026 турнирінің жалпы жүлде қоры 9 415 725 долларды құрайды. Жеке разрядтағы жеңімпаз 1 151 380 доллар сыйақы алып, ATP рейтингінің 1000 ұпайына ие болады.
Айбар Рысдаулет
Модрич «Реалға» оралу туралы қауесеттерге пікір білдірді
Рыбакина WTA турнирлерінде жеңістер саны бойынша көш бастады