«Астана» велокомандасының шабандозы Италиядағы кезеңде жүлдегер атанды
Қазақстандық «Астана» командасы Италияда өтіп жатқан «Коппи — Бартали» велокөпкүндігінде сәтті өнер көрсетті, деп хабарлайды Pin-UpSport.kz. «XDS Astana Team» шабандозы Диего Улисси үшінші кезеңде жүлдегерлер қатарына енді.
Кезең Эрбуско — Изео бағыты бойынша өтіп, жалпы ұзындығы 175,5 шақырымды құрады. Жеңісті «Team UKYO» сапындағы италиялық Томмазо Дати иеленді, ол қашықтықты 3 сағат 54 минут 14 секундта бағындырды. Екінші орынды дәл осы уақытпен «Team Jayco-AlUla» командасының өкілі Мауро Шмид алды. Диего Улисси де көшбасшылармен бір уақытта мәреге жетіп, үшінші орынға ие болды.
Команданың басқа мүшелері де жарысты аяқтады. Маттео Скалько 24-орын алып, жеңімпазбен бірдей уақыт көрсетті. Австриялық Марко Шреттль 57-орынға тұрақтап, 3 минут 53 секундқа қалып қойды. Франциялық Пьер-Анри Бассет пен италиялық Маттиа Негренте тиісінше 78 және 79-орындарды иеленді. Қазақстандық Артем Фофонов кезеңді 110-орында аяқтады.
Үш кезең қорытындысы бойынша жалпы есепте «XDS Astana Team» сапындағы ең үздік нәтиже Диего Улиссиге тиесілі. Ол көшбасшыдан төрт секундқа ғана қалып, төртінші орында тұр. Жалпы есепте бірінші орында Мауро Шмид, екінші орында Томмазо Дати, үшінші орында «INEOS Grenadiers» командасының өкілі Аксель Лоранс орналасқан.
Айбар Рысдаулет
Қазақстан құрамасы Париждегі Әлем кубогы кезеңінде алғашқы медалін жеңіп алды
Қазақстан құрамасы жеңіске қарамастан ФИФА рейтингіндегі орнын сақтап қалды