Рината Сұлтанова Азия ойындарындағы топтық жарыста сегізінші орын алды
Қазақстандық велошабандоз Рината Сұлтанова Жапонияда өтіп жатқан XX жазғы Азия ойындарындағы топтық шосселік жарысты сегізінші орынмен аяқтады. Айти префектурасының Синсиро қаласында өткен жарыста қазақстандық спортшы мәреге 2 сағат 51 минут 41 секундта жетті, деп хабарлайды Pin-UpSport.kz.
Қазақстанның басқа өкілдері арасында Елизавета Склярова 15-орынға, ал Виолетта Казакова 23-орынға тұрақтады. Осылайша, Қазақстанның үш велошабандозы да жарыстың қорытынды хаттамасына енді.
Топтық жарыстан екі күн бұрын Рината Сұлтанова Қазақстан қоржынына биылғы Азия ойындарындағы алғашқы алтын медальді салған еді. Ол жекелей уақытқа жарыста 36 минут 23,72 секунд нәтиже көрсетіп, жеңімпаз атанды. Бұл жүлде Қазақстан құрамасының Жапонияда өтіп жатқан Азия ойындарындағы алғашқы алтыны болды.
Топтық жарыс Сұлтанова үшін Азия ойындарындағы соңғы старт емес. Қазақстандық спортшы алдағы уақытта тректегі көпсайыс – омниум бағдарламасында да өнер көрсетуді жоспарлап отыр. XX жазғы Азия ойындары Жапонияның Айти префектурасы мен Нагоя қаласында 19 қыркүйекте басталып, 4 қазанға дейін жалғасады.
