Табысты маусымнан кейін «Кайрат» бапкерімен қоштасты
Марлон Веласко. Фото: UEFA via Getty Images
Алматылық «Қайрат» футзал клубы бас бапкер Марлон Веласкомен келісімшарттың аяқталғанын және оны ұзартпау жөнінде шешім қабылдағанын мәлімдеді, деп хабарлайды Pin-Upsport.kz.
Испаниялық маман команда тізгінін 2023 жылдың тамызында ұстаған еді. Осы уақыт аралығында клуб екі рет Суперкубокты, Қазақстан Кубогын және Португалиядағы Masters Cup турнирін жеңіп алды. Ең ірі жетістік – УЕФА футзал лигасындағы күміс медаль.
Клуб Марлон Веласкоға атқарған еңбегі үшін алғыс айтып, алдағы бапкерлік жолында сәттілік тіледі.
Бейресми дереккөздерге сүйенсек, плей-офф кезеңі аяқталғанша команданы спорттық директор Густаво Парадеда жаттықтырады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
Әлімханұлы әлемдік кеште жұдырықтасуы мүмкінКелесі мақала:
Дастан Амангелді Семейде чемпиондық белбеуін қорғайды