Әлемдік рейтинг: қазақстандық боксшылар World Boxing тізімінде үздіктер қатарында
Фото: Sportsfile
World Boxing ұйымы алғашқы ресми әлемдік рейтингін жариялады, деп хабарлайды Pin-UpSport.kz. Тізімге ерлер мен әйелдер арасындағы маусым қорытындысы бойынша үздік боксшылар енді.
Ерлер арасында көшті өзбекстандық Абдумалик Халоков (60 кг) пен Асадхуджа Муйдинхуджаев (65 кг) бастады — екеуінің де еншісінде 3000 ұпай бар. Үшінші орында кубалық Эрисланди Альварес (65 кг) — 2100 ұпай. Төртінші сатыға қазақстандық Айбек Оралбай (90+ кг) орналасты — 2025 ұпай. Ал 1650 ұпай жинаған Санжар Ташкенбай (50 кг) мен Махмуд Сабырхан (55 кг), сондай-ақ өзбек боксшылары Фазлиддин Эркинбоев (75 кг), Джавохир Умматалиев (80 кг) және Турабек Хабибуллаев (90 кг) бесінші орынды бөлісті.
Әйелдер арасында көшбасшы — польшалық Юлия Шеремета (57 кг), оның еншісінде 2075 ұпай. Екінші орында түркиялық Бусеназ Чакыроглу (51 кг) — 1975 ұпай, ал үздік үштікті бразилиялық Ребека Де Лима Сантос (60 кг) түйіндеді — 1837,5 ұпай. Қазақстандық Назым Қызайбай (51 кг) 1750 ұпаймен төртінші орынға ие болды. Ал бесінші орында — Тайвань өкілі Хуан Сяовэнь (54 кг) — 1725 ұпай.
Осылайша, қазақстандық боксшылар ерлер мен әйелдер рейтингінде үздіктер қатарынан көрініп, елдегі бокс мектебінің жоғары деңгейін тағы бір мәрте дәлелдеді.
