Шри-Ланкадағы «алтын жаңбыр»: қазақстандық арулар Азияны қалай бағындырды?
Айым Танкибаева. Фото: kazsports.kz
Шри-Ланканың Коломбо қаласында бокстан жастар арасындағы Азия чемпионаты мәресіне жетті. Финалдық жекпе-жектерде шаршы алаңға шыққан 12 қазақстандық боксшы қыздың бәрі де қарсыласын жеңіп, ел қоржынына алтын медаль салды.
Жеңіс шеруін 48 келі салмақтағы Айым Таңқыбаева бастады. Ол үндістандық қарсыласын 5:0 есебімен айқын басымдықпен ұтты. Ал қалған жеті боксшымыз қарсыласын екінші раундта немесе алғашқы минуттарда-ақ тізе бүктіріп, кездесуді мерзімінен бұрын аяқтады.
Чемпион атанғандардың қатарында Сыла Биболсынқызы, Рахмина Абдумежитова, Жанель Имантаева, Ақнұр Тұрсынғали, Толғанай Қасымхан, Алина Құдайгенова, Ақбота Есімбекова, Мария Сидоренко, Зарина Толыбай, Құралай Егінбайқызы және Сабина Жақсылық бар. Бұл жеңістер Қазақстан қыздар боксындағы жүйелі жұмыстың жемісі екенін тағы бір дәлелдеді.
