Ангелина Лукас Таразда әлемдік белбеуін қорғайды
Ангелина Лукас. Фото: Alamy Live News
Қазақстандық кәсіпқой боксшы Ангелина Лукас чемпиондық белбеуін қорғауға дайын екенін мәлімдеді. Айтуынша, жекпе-жек 1 маусым күні оның туған қаласы Таразда өтпек.
Лукас бұл жолы чилилік спортшы Даниэла Асенхомен қолғап түйістіреді. Оның айтуынша, бұл – мансабындағы ең маңызды әрі жауапты кездесулердің бірі. Таразда тұңғыш рет осыншалық ауқымды халықаралық бокс кеші өтпек.
Ангелина кәсіпқой бокста 15 жекпе-жек өткізіп, оның 14-інде жеңіске жеткен. Бір рет жеңіліс тапқан. Соңғы жекпе-жегі ақпанда өтті – онда Лукас Боливия өкілі Есения Токоны екінші раундта техникалық нокаутпен ұтқан болатын.
Автор туралы
Айбар Рысдалует
Спортивный журналист и обозреватель. Специализируется на казахстанском футболе и олимпийских видах спорта. Побывал на Олимпийских играх в Токио и играх БРИКС.
Барлық авторлық жазбаларды көру
