Халк Неймардан озып, әлемдегі үздік сұрмергендердің ондығына кірді
Халк. Фото: hulkparaiba/Instagram
«Зениттің» бұрынғы шабуылшысы, қазіргі таңда «Атлетико Минейро» сапында ойнап жүрген Халк кәсіби мансабындағы 443-ші голын соғып, әлемдегі үздік ойыншылардың қатарынан орын алды. Бұл голды ол Бразилия кубогының 1/16 финалында «Малингаға» қарсы өткен ойында (2:2) соқты.
Аталған нәтижемен Халк Неймарды (442 гол) артта қалдырып, әлемдегі үздік он сұрмергеннің қатарына енді. Қазіргі таңда тізімнің көшін Криштиану Роналду бастап тұр — оның еншісінде 934 гол бар.
Үздік үштікті Лионель Месси (858) мен Роберт Левандовски (710) түйіндейді. Олардан кейін Луис Суарес, Карим Бензема, Эдинсон Кавани, Харри Кейн және Эдин Джеко орналасқан.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
Данияр Елеусинов: «Бұл жолы мүмкіндікті жібермеймін»Келесі мақала:
«Ақтөбе» клубында 250 миллион теңгеге жуық қаражат жымқырылған