Жәнібек Әлімханұлы: Мақсат – барлық белбеуді жинап, Канелоны жеңу
Жанибек Алимханулы. Фото: janibek_alimkhanuly/Instagram
Орта салмақта WBO және IBF тұжырымы бойынша әлем чемпионы Жәнібек Әлімханұлы алдағы жоспарларын жариялады. Әлемдік аренада беделі артып келе жатқан боксшы X әлеуметтік желісінде екі басты мақсатын атап өтті.
«Екі мақсат бар. Біріншісі – орта салмақтағы барлық белбеуді жинау. Екіншісі – Канеломен жұдырықтасып, оны жеңу. Болды», – деп жазды Жәнібек.
2025 жылдың сәуірінде Әлімханұлы франциялық Анауэль Нгамиссенгені бесінші раундта нокаутпен жеңіп, белбеулерін сәтті қорғап шықты. Қазір ол WBC чемпионы Карлос Адамеспен біріктіру жекпе-жегі туралы келіссөз жүргізіп жатыр.
Ал «Канело» Альварес суперорта салмақта өз үстемдігін жалғастырып келеді. Мексикалық боксшы 3 мамырда Эр-Риядта кубалық Уильям Скаллмен кездеседі.
Айбар Рысдаулет
Бахтиер Зайнутдиновтың «Бешикташтағы» болашағы бұлыңғыр
Бақыт Құсақбаева дзюдодан Азия чемпионатында қола жүлдегер атанды